schreibpodium.de

In Keller in de groote Schöttel
liggt Kartüffel un ok Wöttel
Kinner kummt, is Eetentied
röppt Vadder Assel, is sowiet
oh nee, secht Mudder Assel
dat givt doch Schlamassel
wie mööt dat gau vergeeten
un dörft dor nich vun freeten
nu ward rieten, hör mol to
ik bestimm und sowieso
Gröntüch is gesund
knurrt he mit vullem Mund
uterdem, wat sall denn dat
endlich ward wi all mol satt
wenn een kümmt, sass sehn
verswind wie achtern Stehn
annern Dags süht man genau
dat wär öberhaupt nich schlau
Löcker sünd in de Kartüffel
so holt de Minsch ´ne Schüffel
un rümt forts, man wat´n Schiet
jeden losen Stehn bi Siet
schnappt sick Öllern Kinner, Eier
smitt all to hoop in Tante Meier
un een gräsig Woterstrohl
spöhlt de Asseln ganz deep dool
ik bestimm, dat wär nich good
satt sünd´s worn, doch leider dood

Iss dat nich imme so, Gila?

Froulü hemmbt dat inne Bregen,
doch de Mannlü hemmbt dat Seggen.

Und denn sitten s´ in´t Schlamassel
netso as Familje Assel,

de begrouben bünt in´t Schiet.
Wat is dat vörn maalen Tied.

Schlaap man moi un drööm seut.
Sabine

So is dat! De meisten Mannslüd wöllt ok keen Fro hebben, de klöger is als se sülben. De Erfohrung hef ik mookt. To mi het mol een Kirl secht:" Ik söök een Fro, de good utsüht ober nich to good, süss mut ik ob ehr oppassen und kloog sall se sien, ober nich klöger as ik!" Dat wär een Lehrer und ik heff dankend aflehnt.

Schönet Wochenend wünsch ik di
Gila

Ik sech di, plattdütsch is doch wat Feines - oder.
LG
H. Rehmann