Seite 1 von 1
Wiehnacht
Verfasst: Freitag 2. Dezember 2011, 00:37
von Stiekel
Luchten in d´Straten,
Glühwien, Mandelkeern,
Zuckergood un Wiehnachtsmarkt
hebbt wi Minsken geern.
Kinnerogen glimmen,
Harten worden wied,
Glockenslaag van d´ Karkentoorn,
dat is Wiehnachtstied.
Lüttje Kind in d´ Krübb,
treck du in mien Hart.
Maak dat dat dor binnen
Wiehnachten ok word.
Sabine Brauer
Re: Wiehnacht
Verfasst: Freitag 2. Dezember 2011, 08:25
von Rehmann
Bitt Wiehnachten is jou no un beeten henn, over Dien Gedicht gefallt mi ok nu all !
LG
H. Rehmann
Re: Wiehnacht
Verfasst: Freitag 2. Dezember 2011, 22:16
von Stiekel
Dor hesst du woll Recht, Horst, man up de Wiehnachtsmärkte tinkeln de Luchten in de Straten un Glühwien un Mandelkeern kannst dor ok al kriegen. Danke för d´t Lesen un noch ´n feinen Oubend wünscht di Sabine
Re: Wiehnacht
Verfasst: Samstag 3. Dezember 2011, 09:28
von Rehmann
Künnst jo mienen plattdütschen Schiet "Op de Hallig" ok mool lesen !
LG
H. Rehmann