Busfohrt in´t *Ole Land*

Busfohrt in´t *Ole Land*

Beitragvon Gila » Freitag 5. Juni 2015, 13:05

So eene Utfohrt mit´n Bus
wo du nich sülben fohr´n muss
secht de Jan to siene Fro
mi dücht dat is een Risiko
denn een Deel dat is wiss
wenn de Bus nich tiedig is
kummt villich poor Stünnen loter
denn fallt de ganze Tour in´t Woter

west du, secht Gerda, wat du büst
du büst ´n grooten Pessemist
du molst jümmer allens swatt
ik froch mi blots, wat sall sowat

also good, nehmt wie mol an
de Bus de kümmt bi Tieden ran
denn mut dat ober ruck zuck gohn
vun wegen noch lang angestohn
nee, ik mut de Arms hoch krempeln
dörf sogor de Lüd anrempeln
wie een Bekloppten mut ik flitzen
die Gattin möcht am Fenster sitzen
direktemang achtern Chaffeur
süss dicke Luft, grotet Maleur

bitte … du wullt an Gang doch jümmer sitten
musst dan Fohrer ünnerstütten
de kümmt jo ahn di gor nich trech
nich mit dat Fohrn un nich mit´n Wech

wat is denn dat för´n Argument
trüchstohn mut ik, ober dat bün´k went
un wokeen sitt wedder achter mi
ik dink blots an de Kotzerie
wenn de Arfensupp in Nacken hest
stinkt dat ok noch wie de Pest
de Fööt de bummelt hin und her
Footstütten gift dat jo nich mehr
över di de Frischluftdüsen
un anner Dachs hest dicke Klüsen
denn heet dat „Stopp“ to´n Rudelmiegen
man dor kannst dat gruseln kriegen
kann ok noch sien, dat in´t Ole Land
dat licht ja meist all op de Hand
dat dor vun Boom een Appel fallt
un batzwech mi op´n Breegen knallt

Elementarschaden nömmt man dat
Sprunk in de Schöttel , west du wat
du hest ok jümmer wat to garn
dor kann een richtig fuchtig warn
mel uns doch af, denn hest du Ruh
mel uns aff, op wat luerst du

wat büst du för een fünsches Wief
nich een lütt beeten positiv
also ik, ik mook mi keen Gedanken nich
ob de ol Elvbrüch uns ok drich
so eene Busfohrt de het doch Oart
man kann fein slopen wield de Fohrt
bet to´n Dilirium een snasseln
ik glööv du wullt mi dat vermasseln
ober dor hett´n Uhl in seeten
ik stieg in Bus, dat sass du weeten
ik stieg dor in, wiel ik dat will
un du, bliev hier odder swiech still
Benutzeravatar
Gila
Eifriger Schreiber
Eifriger Schreiber
 
Beiträge: 390
Registriert: Mittwoch 9. März 2011, 19:16

Re: Busfohrt in´t *Ole Land*

Beitragvon Lena » Dienstag 21. Juli 2015, 21:22

Bin aus Bayern, hab es trotzudem verstanden und finde es: C O O L :lol: :lol: :lol:

Lustiger Text super gelungen!

LG Lena
Zuletzt geändert von Lena am Sonntag 26. Juli 2015, 15:31, insgesamt 1-mal geändert.
Das höchste Gut ist die Harmonie der Seele mit sich selbst.
Seneca
Lena
Eifriger Schreiber
Eifriger Schreiber
 
Beiträge: 280
Registriert: Freitag 23. Dezember 2011, 21:53
Wohnort: Bayern

Re: Busfohrt in´t *Ole Land*

Beitragvon heuberger » Freitag 24. Juli 2015, 10:00

Auch ich habe den Text tatsächlich verstanden.
Solch ein Dialog zwischen langjährigen "eingeübten" Partnern hört sich einfach herrlich an.
Ich kichere immer noch.
Grüßle
Manfred
:D
Benutzeravatar
heuberger
Eifriger Schreiber
Eifriger Schreiber
 
Beiträge: 199
Bilder: 9
Registriert: Dienstag 21. Juli 2015, 14:03
Wohnort: Oldenburg (Oldbg)


Zurück zu Mundart

Wer ist online?

Mitglieder in diesem Forum: 0 Mitglieder und 1 Gast