Ward bi lütten Tied to glöben
den old bün ick un krank
ick schull dann Herrgott löben
doch fühl ick keenen Dank
de Been wüllt mi nich dreegen
de Ogen blind, seht swatt
ick kann mi kum bewegen
bün so flau un matt
bloß boben in mien Breegen
dor is noch allen´s klor
doch dat is keen Seegen
dat mokt blos allen´s swor
hier giff dat nix to dinken
dat makt de Süstern all
opmucken kannst di schinken
du büst blos noch een Fall
waschen, Fieber meeten
een üm anner Mol
feel snacken kannst vergeeten
to wenig Personal
op eenmol büst du wedder Kind
ditt dörfst du nich un dat
un wiel se so besorgt jo sünd
ward eeten wat in Fatt
Vadder de is vuller Wut
un vergetern, kümmt nich trech
schimpt dan ganzen Dag mi ut
is egol wat ick ok segg
de dementen hör ick stöhnen
fluchen, weenen, schreen
kann mich nich gewöhnen
müch to Hus weer ween
lachen, beten lustig sien
dat ick mi mol freien kann
an Rükelbusch un Sonnenschien
sowat kümmt nich mehr bi mi an
doch ick heff wohl keene Wahl
sitt un grübel, Stünn üm Stünn
tregg mi jümmer wieder dahl
kann keene Ruh nich finn
bün noch jümmer nich so wiet
bün nich in de Reeg mit mi
kann nich starven, bruk noch Tied
loter Herrgott dank ick di
Mien Mudder in´t Plegeheim
- Stiekel
- Eifriger Schreiber
- Beiträge: 1051
- Registriert: Dienstag 11. Januar 2011, 19:43
- Kontaktdaten:
Re: Mien Mudder in´t Plegeheim
Hallo Gisela,
is nich eenfach, sien Moder dor hento brengen, nich?
Wenn d´old büst un nich torecht kummst, up anner Lü Hülp anwesen büst, denn is kien Wunner, wenn dat danken verleerst. Wenn alltied blots vor di hen grübels un nich mehr wets, worum so lieden musst, denn is ok kien Wunner, wenn du verbittert worst. In´t Plegeheim hett mennigeen Heimweh. Off wi dissen Gang ok maal gahnt? Ik hoop, dat blievt mi erspaart.
Ik wünsch di ´n gooden Nacht, Sabine
is nich eenfach, sien Moder dor hento brengen, nich?
Wenn d´old büst un nich torecht kummst, up anner Lü Hülp anwesen büst, denn is kien Wunner, wenn dat danken verleerst. Wenn alltied blots vor di hen grübels un nich mehr wets, worum so lieden musst, denn is ok kien Wunner, wenn du verbittert worst. In´t Plegeheim hett mennigeen Heimweh. Off wi dissen Gang ok maal gahnt? Ik hoop, dat blievt mi erspaart.
Ik wünsch di ´n gooden Nacht, Sabine
Nur wer sich selber liebt ist fähig,
auch andere zu lieben.
Re: Mien Mudder in´t Plegeheim
Goden Morgen,
so is dat, trurich dat mit antokieken. Dat eenzigst goode is, dat dat Heim direkt gegnöber vun mien Wohnung liegt. So kann mien Vadder mit mien Mudder in Rullstohl rüberkomen, wat se ok mehrmols de Week tod. Dat leegste ober is, dat mien Mudder innerhalv vun een halv Johr blind worn is. Dormit kummt se nich trech und dat is ok för uns nich eenfach. Grood jetzt in Fröhjohr much man vun de Blomen un dat Grün vertellen, ober dat bringt er blots ton weenen, also lot we dat. Ok vun de Urenkel snackt we lever nich so veel.
Höpt we, dat uns dat ersport blivt. Mien Söhn levt todem noch in Bayer un wenn´t so blivt, mach ik dor nich an dinken. Ober nu wüllt we de düstern Gedanken wechschuben un dann Dach geneten.
Leeve Gröt Gila
so is dat, trurich dat mit antokieken. Dat eenzigst goode is, dat dat Heim direkt gegnöber vun mien Wohnung liegt. So kann mien Vadder mit mien Mudder in Rullstohl rüberkomen, wat se ok mehrmols de Week tod. Dat leegste ober is, dat mien Mudder innerhalv vun een halv Johr blind worn is. Dormit kummt se nich trech und dat is ok för uns nich eenfach. Grood jetzt in Fröhjohr much man vun de Blomen un dat Grün vertellen, ober dat bringt er blots ton weenen, also lot we dat. Ok vun de Urenkel snackt we lever nich so veel.
Höpt we, dat uns dat ersport blivt. Mien Söhn levt todem noch in Bayer un wenn´t so blivt, mach ik dor nich an dinken. Ober nu wüllt we de düstern Gedanken wechschuben un dann Dach geneten.
Leeve Gröt Gila