Drogen oder de Appelboom

Antworten
Benutzeravatar
Gila
Eifriger Schreiber
Eifriger Schreiber
Beiträge: 390
Registriert: Mittwoch 9. März 2011, 19:16

Drogen oder de Appelboom

Beitrag von Gila »

he wär so´n söten Schieter, so gau op sien lütt Been
in jümmern Bloomengoorn, kunnst üm splettern seen
allen´s kunn he bruken, allen´s wat he fin
to´n buen un to´n klütern allen´s söök he in

sien Snutenwark dat stüng nich still un dor kunnst op af
de lütt Kätel höl sien Mudder dan ganzen Dag in Drav
Obends vör´t to Bed gohn, dor keek he Sesamstroot
kun bald all´n beten lesen un föhl sick bannig grot

eh een sick umkeek wär´t sowiet, he käm no de School
un dur nich lang dor sän de Lüd, de´s plitscher as de Ol
wenn de Jung so wiedermagt, denn magt he wohl sien Wech
doch betlang wär he´n Snappsnut noch und faken rotzig frech

mehrstiets speel he Austronaut, dat wär so sien Drom
de Enterprice dat wär in Goorn de groote Appelboom

dor seet he mit sien Frünnen in, smökt sien erste Zigarett
un hett sick höögt, dat nüm´s em tofoten kreegen hett

de Öllern sünd wohl wies worn un dachen sick, no jo
dat hebt we fröher ok so makt, dat is nu eenmol so
solang he dor in Boom insitt, köönt we üm kontroleern
dor wart wie allens gau gewohr, dor kann nich veel passeern

Vadder köft üm ´n Handy, ton Geburtsdag jichenswann
un dat he nich trüchstohn mut, ´n PC noch achterran
he hett sien erst lütt Fründin, knutsch mit ehr in Boom
de Öllern högt siek een un denkt so grot is he nu schon

doch as dat neegste Fröhjohr käm wärt anners mit eenmol
dor wür he batzweg opsternaatsch un röök no Alkohol
se hebt mit sien Liehrer snackt, de sä, Pupertät ja nun
un jichens käm de Jung na Hus un wär miegendun

klötrich güngt üm annern Dags, he wär quittengeel
Mudder schüddkopp ober schimpen, dat de se nich veel
Vadder grin blots un he sä, jä so ist dat mit dann Sprit
nu weest bescheed mien Jung, mark di, dat is groten Schiet

dat mit dat Supen wür nich leeger, de Öllern wärn ganz froh
doch menichmol wär de Jung in Brass, menichmol bito
he slööt sick in sien Kamer in, leet nüms mehr an sick ran
Mudder speur dor löppt wat dweer doch wüss se nix to dan

Vadder nehm üm sick to Bost und fröög üm ganz in Roh
doch allens güng dann Jungen af, he moch eenfach to
mitmohl snakt he vun Festival und vun sien niegen Frünn
he wär belütten söbentein und wull dor afluts hin

he wär so richtig hibbelig und reinweg ut de Tüd
nähm sien Rucksack un sä, dat wart nu för mi Tied
anner Dag Klock neegen, dor güng dat Telefon
se sään de Jung liegt intensiv be jüm op de Station

Jan Klapperbeen de har üm, all binoh bi de Büx
se hebt üm wedder trüch holt, doch besinn he sick op nix
in sien Kopp wär allen´s twei, allen´s dwast und dweer
dor kunn man nix koreren, dor nützt rein gornix mehr

de veelen Joints, de witte Snee, or wärt de letzte Sprüt
dat wär doch sowieso egol, denn all´ns wär in de Grütt
hin wär sien ganze Tokunft, rein nix mehr har Gewicht
vör dann Jung und vör de Öllern, allen´s wär tonicht

denn de smucke Jungkeerl, sät wedder in Appelboom
as Astronaut op de Enterprice un leevt sienen Drom
Antworten