Hest du noch Sex Oma?

Antworten
Benutzeravatar
Gila
Eifriger Schreiber
Eifriger Schreiber
Beiträge: 390
Registriert: Mittwoch 9. März 2011, 19:16

Hest du noch Sex Oma?

Beitrag von Gila »

Nele is hüt bi Oma. Se sitt grood öber ehr Bioheft un maakt Schöllerbeiten. Op eenmol kickt se hoch un seggt. „Oma, hest du noch Sex?“ „Wie kummst du denn op so een Frooch?“, antert Oma. „Na wiel uns Bio Lehrer seggt hett, de Minschen künnt bet in´t hoge Öller Sex hebben. Ik wull eenfach mol weeten, op dat ok stimmt.“

Oma holt deep Luft, grient un seggt „So, seggt he dat. Na ja, du weest wull, to´n Sex hört jo twee. Een Mann un een Fro und ik heff mi je vun Opa scheeden loten.“ Mehr seggt se nich dorto. Nele överlegt een Momang un meent denn „Un worüm hest du di keen Mann wedder nomen, büst du to emanzipiert?“ Oma sluckt ehrsmol dröch rünner un kickt ehr teinjährige Enkelin an. „Keen seggt denn, dat ik to emanzipiert bün?“ „Pappa seggt dat mennichmol. He seggt, du kannst doch allens alleen, mookst de meiste Tied wat du wullt un een eegen Meenung hest du ok noch. So´n Froh wär em veel to anstrengend.“

Oma weet nich recht wie se dor op antern sall. Stimmt schon, dat se ganz good alleen trech kaamt, ober dat se to anstrengend is, dat is jo wohl övertreben. Mach jo weeden, dat dat Verhollen vun Nele´s Mudder bi de Mannslüd beter ankummt. Ober op jeden Putt passt doch een Deckel. „Ik glööv, dat dien Pappa sick dor irrt“, seggt se erstmol. „Dat mi de Emanzipation het nich blots wat mit een eegen Meenung to doon dor is noch wat mehr mit meent.

Nele dinkt scharp no. „Ik finn Jungs doof!“, seggt se. „Ik bün veel leber mit Hanna tohop. Weest wat Oma, to´n Kinner kriegen büst du doch to old, nimm di doch een Fro. De hett bestimmt keen Problem mit dien eegen Meenung un leev hebben kannst du ehr ok.“ Doröber mutt Oma nich nahdinken, een Fründin jo, ober leev hebben, nee. Man, dat to erklärn, dorto is ehr Nele nu doch to jung. „Nee, lot man, denn söök ik leber noch een beten wieder, viellicht will mi je doch noch een Mann hebben.“, seggt Oma un hofft, dat dat Thema nu dörch is. „Ik heff man dacht“, seggt Nele. „ Dat harr jo sien kunnt, dat du bisexuell büs!“ Un dorbi kiekt se Oma ganz ernsthaftig an.

Nu is Oma ober baff, dat mut se erstmol daalslucken. Nele is wieldessen all wieder mit ehr Gedanken. „Mien Biolehrer hett seggt, in de Natur is dat so, dat jümmer de jungen un starken sick vermehrn dood. Dat is wichtig, dormit gesundet Arvgood wiedergeben ward un de Oard nich utstarven deit. Mien Pappa is doch ober gor nich jung un so stark is he ok nich. Hebt mien Gene denn nu de Süük?“

Dat is een keddelig Thema för Oma. Nele´s Pappa is all fievunsüßtig un wär Oma sülben grood topass. Nich dat he ehr Typ wär, ober vun´t Öller her wärd grod dat, wat se söcht. „Du büst ganz gesund, dor maak di man keen Sorgen.“, beruhigt Oma ehr. Und dormit will se ut de Döör gohn, ober Nele snackt all wieder.

„De Lehrer seggt in anner Länner ward ganz junge Deerns mit ganz ohle Mannslüüd verheirod, un dat is bannig gräsig. Un in Middelöller dor wär dat bi us ok normol, dat rieke, ohle Mannslüd siek smucke, junge Deerns utsöcht hebt. Warum hett Mama denn Papa freewillig nohmen, wenn dat doch so gräsig is. Oder har Papa veel Geld?“

Nu kummt Oma ober bilütten in´t sweeten. Wie schall se dat Kind wat verklorn, wat se sülben nich so recht versteiht. Wat weet de Lütt all vun Status un Geld, un jümmer is dat je ok nich so. „Dien Mama un Pappa hebt sick in eenanner verleevt, dorüm hebt se heirod.“, antert Oma un will nu gau verswinnen ober Nele hölt ehr trüch. In ehrn lütten Kopp is nu bannig wat los.

“Ik weet nich”, secht Nele. „Dat heet doch jümmer, man mut an de tokünftigen Generationen dinken. Nee, mi is dat mit miene Gene doch to riskant. Ik emanzipier mi leber un mit Sex, fang ik gor nich erst an.“ Smitt ehr´n Kopp in Nacken un klappt ehr Bioheft dicht.
(G.Schmidt)
Benutzeravatar
Stiekel
Eifriger Schreiber
Eifriger Schreiber
Beiträge: 978
Registriert: Dienstag 11. Januar 2011, 19:43
Kontaktdaten:

Re: Hest du noch Sex Oma?

Beitrag von Stiekel »

Hallo Gisela,

dor hesst ja dien leeve Nood mit, wenn so´n Wicht an´t frogen fangt. Dat maakt wi mit uns Enkelkind ok net dör. Kummt de van ´t Schkööl un fraacht hör Mama un Papa: "Wo is dat, will ji nu Sex mauken? Wenn ji nich so recht weten, wo dat geiht, kann ik jou dat woll vertelln. Wi hebbt nu Sexualkunde."

Alle Best,
Sabine
Bild

Nur wer sich selber liebt ist fähig,
auch andere zu lieben.
Benutzeravatar
Gila
Eifriger Schreiber
Eifriger Schreiber
Beiträge: 390
Registriert: Mittwoch 9. März 2011, 19:16

Re: Hest du noch Sex Oma?

Beitrag von Gila »

so is dat un Kinner sünd direkt un bringt dat op´n Punkt. Mien Enkel sünd noch nich so wiet. De een is 5 un der anner is man grood 3 Mand old.

l.G . Gila
Benutzeravatar
heuberger
Eifriger Schreiber
Eifriger Schreiber
Beiträge: 199
Registriert: Dienstag 21. Juli 2015, 15:03
Wohnort: Oldenburg (Oldbg)
Kontaktdaten:

Re: Hest du noch Sex Oma?

Beitrag von heuberger »

Eine herrliche Geschichte!
Ich hab mich gekugelt vor Lachen.
Kinder denken sehr praktisch, manchmal gar pragmatisch.
Sollten wir auch manchmal tun.

Grüßle
Manfred :lol:
Antworten