schreibpodium.de

A Funkeln in da Seele stroihlt
Freid kummt in dei Herz dann boid
da Mond scheint glei a weng hella
wann de Engal kumman schlogt des Herz glei schnella

Manchmoi hearst und gspiarst nur an Flügelschlog
manchmoi leicht nochts a Liacht wia am Tog
Schaut aus ois wann de Sunn aufgang
ma glei vanimmt den Engelgsang

Miar suachan de Kroft
wei ma auf eana hofft
wundersames kinnans mocha
bringan so manch traurigs Herz zum Locha.

Am meisten gspiar ih eana Näh
wann ih dahoam im woarmen Zimma steh
wanns ganz leicht mei Schuiter berührn
dann is ruhig in miar, mecht nix andas spürn