schreibpodium.de

. . . hengd se emm Gardaheisle drenna,
noa drechd se mr wohl koinr ford!
Doch dees isch nedd di richdig Lehsung -
sui muass an oin gans andra Ort!

Sui isch mr oifach fiehl zu sberrich
ond omms vregga fiehl zu lang.
Ao ihre schbizza Fiass send gfährlich -
doa wird mr´s manchmoal Angschd ond Bang.

Mr kennd sich joa an ihr vrleddza.
Dees isch´s doch gans beschdemmd nedd werd.
Dromm heng i se ezd hendr´s Heisle -
isch dees fiehleichd ao gans vrkehrd?!?

Doch hald - ezd kennd mr se mir glaua.
Ao Wend ond Weddr nagd an ihr.
Ezd hengd se wiedrmoal nedd richdig -
ob i dees jeh noa maol kabier?

Drei Schdonda hogg i scho emm Garda
on deng bis mr dr Schädl rauchd.
Was mache blos midd sellra Laidra . . .
ob i dees Deng ao wirglich brauch???

Schlechd isch´s joa nedd, mr hadd a Laidra -
Doch wo se hengd, schdoad se emm Weg!
Ezd benne zua dehm Schluss gekomma,
dass i se "irgendwann" vrsäg!

fe2011