Kind, wat lettst du ja verfreten!
Segg mal, hett oll Gripp di grepen?
Oogen so gleinig, Kopp so rood.
Süchst ja ut, as wust futt dood.
Och Moder, d´Kopp deit mi so sehr.
Been de willen ok nich mehr.
Pien in d´ Buuk un Nös an lopen,
Hals deit sehr, mag gor nich proten.
Gau in d´t Bedd, mien lüttje Blood.
Pühl bi d´ Foten, dat deit good.
Mama maakt di Hostentee.
Süh, mien Keerlke, büst tofree?
Slaap di man eerst düchtig ut.
Sweet Verkolleree herut.
Sallst mal sehn, mien lüttje Peter,
mörgen geiht di dat al beter.
16.1.1998 Sabine Brauer