Jan Hinnerk, de is brannerg, he is mall,
is an´t Schellen un kummt ut de Stall.
Minna, hesst mien Knieptang sehn?
He lagg dor even noch up de Steen.
Minna kickt hör Mannminsk an:
Dien Knieptang? - Weet´k nix van.
Hest hum nich in d´Stall vergeten,
of ok up de Mehlkist smeten?
Minna, laat mi blot tofree,
ik will mien Knieptang, futt up Stee!
Hinerk - Keerl, nu holl dien Snuut,
he kickt di ja to d´ Büxtask´ut!
Sabine Brauer
