Des mitn Gedächtnis

[Roswitha]

Es gibt oft Gelegenheitn
wo ma redt üwa oide Zeitn
ma sitzt beinand und denkt zruck
drüba redn is guad, gib da an Ruck

Vawandt wannst bist dann is da Grund
das de triffst, wei wer tritt in Ehebund
traurig is wann wer geht
wei dann is fiar Vasöhnung oft zspäd

Woasst das nu wias friaha woar
grod wiast geh host kinna sogoar
bei manchn is mitn Erinnan ned weit her
oft woass oana nimma wer is wer

In Kopf steckst mit dein Nochbarn zam
mei wann ich wissat wo ich den scho gsehn han
drauf mei Gegenüba
des is mei Mann, hoid scho a wenig süwa

Peinlich soid da nix sei
frog wann do wos ned foillt ei
jünga wern ma olle nimma
sVagessn sei is vü schlimma

Guad is wannst nebn dir wenn host
der kennt an jedn Gost
do foillts dann koan auf
wannst mitn erinnan nimma bist so guad drauf