Hob heit in da Fruah an Regenbogn gsehn
is wundaschee, so mancha kann des vasteh
hoff es hod oana den Schotz gfundn am End
ih hob ned wegkinna, bin weida in dOarbeit grennt
So vü schens zoagt de Natur
bin oiwei mit miar zfriedn wann ich sowos seh
des Foarbenspü is vü zschnö vaschwundn
hobn noch a poar Minutn nimma gfundn
Im Gegenteil bin zu an Unfoi kemma
so schnö kanns oan des guada Gfüh wieda nehma
zum Glück woar nur des Auto a weng vabogn
da Foahra hod glei drum herum a Rundn zogn
Do merkt ma wieda amoi wia eng beinand
Freid und Leid liegt
is wia wann ma wos in da Waagschoin wiegt
drum nimm a jede Sekundn an
de ma zfriedn vabringa kann
Teil schene Momente mit wem denst mogst
wannst eam des dann ah nu sogst
dann zoagt se de Wöd von da schenan Seitn
Merk da; du kannst söwa vü leitn
Wos so a Tog bringa kann
Wos so a Tog bringa kann
Auch scheinbar aussichtslose Tage bringen Erkenntnisse, die dir zu gegebener Zeit helfen